VIDEO Brasiliamiut tuusintillit Chapecoense eqqaaniarlugit ingerlaaqatigiittut
Brasiliami Riop aqquserngini qalipaat qorsuk takussaaqaaq. Tassaanngillalli orpiit pilutaat, ivikkat orpiilluunniit - tassaappulli Chapecoensemiut tapersersortaat qorsunnik atisalersorsimasut.
Timmisartoq arsaattartut ilaaffigisaat Colombiami nakkarmat brasiliamiut arsaattartut unammisartuisa amerlanersaat ajunaarput.
Tapersersuisut arsaattartut ilaqutaat tapersersorniarlugit ingerlaaqatigiinnissamik aaqqissuussisimapput. Ingerlaaqatigiinnermi peqataasut ilaat oqaluttuarpoq arsaanneq ilaqutariinnertut ittoq, taamaammallu amerlaqisut ikinngummik qanigisamik annaasaqarsimasutut misigisimasut.