Sapusiap Brasiliap immikkoortuani Minas Geraisimi sapusiat ilaat nakkaammat marulluk 12 millionit kubikmeteritut annertutigisoq aniatinneqarpoq, nuna 290 hektaritut annertutigisoq qallerneqarluni.Assi: Ibama from Brasil [CC BY-SA 2.0 (https://creativecommons.org/licenses/by-sa/2.0)]

Brasiliami sapusiap nakkaannerani 270-t ajunaartut

Brasiliami Minas Geraisimi sapusiaq nakkaammat inuit 270-t ilaat ajunaarput ilaallu maqaasineqarlutik.

Sapusiap Brasiliap immikkoortuani Minas Geraisimi sapusiat ilaat nakkaammat marulluk 12 millionit kubikmeteritut annertutigisoq aniatinneqarpoq, nuna 290 hektaritut annertutigisoq qallerneqarluni. Inuit 270-it ajunaarsimanngikkunik maqaasineqartutut kingorna nalunaarutigineqarlutik.

Brasiliami pisortat saputip nakkaassinnaaneranik mianersoqqussutaat, aatsitassarsioqatigiit Valep nakkaattoornerup siornatigut tamanut saqqummiussimanngilaa.

Brasiliami pisortat nalunaarusiaanni tamanna inerniliunneqarpoq.

- Pisortat paasissutissanik eqqortunik tunineqarsimasuugaluarpata sapusiap nakkaassinnaanissaa pinngitsoortinneqarsimasinnaagaluarpoq, pisortat taama oqarput.

Aatsitassarsioqatigiit Valep 19 milliardit koruuninik taarsiissuteqarnissaa eqqartuussiviup aalajangerpaa.

Brasiliamili pisortat paasisastik aallaavigalugit maanna misissuinialerput, aatsitassarsioqatigiit Vale amerlanerusunik taarsiissuteqassanersut paasiniarneqassalluni. Nutaarsiassaqartitsivik Reuters taama allaaserisaqarpoq.

Sapusiat ilaata, aatsitassarsioqatigiinnit Valemit aamma aqunneqartup, ukiut sisamat matuma siornatigut nakkaattoornerata kingorna, Minas Geraisimi sapusiaq nakkaappoq.

Inuit 19-it Minas Geraisimi immikkoortumi allami taamanikkut ajunaarput.

/ritzau/AFP

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat