Brasiliami qarsutsinersuaqarmat arlallit ajunaarput
Nalunaaquttap akunneri 24 qaangiutinngitsut 26 centemeterinik annertussusilimmik siallersimasoq sialummut uuttuutip takutippaa. Ilaqutariippassuit sininnerisa nalaani nuna sisoorsimavoq ilaqutariillu matoorussaalluttik, nutaarsiassaqartitsivik ritzau taamatut allaaserisaqarpoq.
Annaassiniartut qaqqanilu najugaqartut ippassaq unnukkut taarsinissaa sioqqullugu annassimasinnaasunik ujaasigaluarput.
Qaqqani avinngarusimasuni ajunaarsimasunik nassaartoqarnissaq annaassiniartunit ilimagineqarpoq.
Brasiliami piitsut amerlasuut qaqqani sivingasuni illoqartiterput, taakkua nunap sisoornissaanut isumannaallisarneqarsimanngitsuni.
Apriilip qaammataani naalagaaffimmi Rio De Janeiromi nuna sisoormat inuit 180-it missasannik amerlassuseqartut ajunaarput.