BP-p piginneqataassutai qaffakkiartoqqilerput

Mexicop Kangerliumanersuani uuliamik maqisoorneq uuliasioqatigiiffiup BP-p ilumut unitsissimaneraa oqaatigissallugu suli siusikkaluartoq, uuliasioqatigiiffiup piginneqataassutaasa nalingi qaffakkiartulerput.

juulip 16-at 2010 07:54

BP-p piginneqataassutai New Yorkimi børsip ippassaq unnukkut kingusissukkut matunngitsiarnerani 8 procentingajammik qaffattut, Danmarkip Radioata nittartagaani allaaserineqarpoq. Londonimi børsi ullaaq ammarmat uuliasioqatigiiffiup piginneqataassutai 5,5 procentimik qaffapput.

Piginneqataassutit nalingat juunip naajartornerani appasinnerpaavoq, kingornali qaffakkiartuaarusaarluni. Uuliallu maqiffiata milinneqarnisasa ippassaq unnukkut kingusissukkut iluatsimmat piginneqataassutit qaffakkiartornerisa ineriartornerat sukkatseqqippoq.

Uulia Mexicop Kangerliumanersuanut qaammatini pingasuni siullerpaamik aatsaat maqiunnaarsinneqarpoq. BP-mi præsidentip tulliata, Kent Wellsip, ippassaq unnukkut tamanna ilisimatitsissutigaa.

Uuliali maqiunnaavinnersoq nalunaaquttap akunneri 48-t missaat qaangiuppata aatsaat iluamik paasinarsissasoq, Kent Wellsip erseqqissaatigaa.

BP-p piginneqataassutai qaffakkiartoqqilerput

Aamma atuaruk