BP misileeqqippoq
Robottit ikiorsiullugit uuliasiortitseqatigiiffissuaq sulivoq, talartersuarlu nutaaq uuliamik maqisoorfimmut 1.500 meterimik ititigisumi ikkunniarsaraa.Nutaarsiassaqartitsivimmit Ritzauimit tamanna ilisimatitsissutigineqarpoq.
Robottit ikiorsiullugit uuliasiortitseqatigiiffissuaq sulivoq, talartersuarlu nutaaq uuliamik maqisoorfimmut 1.500 meterimik ititigisumi ikkunniarsaraa.
Suna tamarmi iluatsissappat uulia aniasoq tamaat talartip nutaap katersorsinnaassavaa, uulia umiarsuarnut uuliamik assartuummut taamaalilluni aqqutissiuunneqarsinnaassammat. Ilimagineqarpoq talarti nutaaq ullut qulit missaanni ikkunniarneqassasoq.
Uuliap maqineranik USA-mi naalakkersuisut nakkutilliisuanni akisussaasup, admiral Thad Allenip, ippassaq unnukkut kingusissukkut ilisimatitsissutigaa, BP-ip pilersaarutaa akueralugu.
Uuliasiorfimmi Deep Horizonimi apriilip ulluisa 20-anni qaartoortoqarmat, Mexicop Kangerliumanersuani uuliamik maqisoorneq aallartippoq. BP-ip neriuutigaa uuliamik maqisoorneq kingusinnerpaamik aggustip ulluisa 13-ianni unitsinneqarsimassasoq.
