Bostonimi ajortumeeriniarluni qaartartumeerinerit
Qaartartut ajoquseerujussuartussanngorlugit sananeqarsimapput savimerngillu aseqquinik kuuleeqqanillu imaqarsimallutik, dailymail.co.uk allappoq.
Qaartartut saviminiaqqanik imarisaatigut erserpoq sapinngisamik ajoqusiinerpaanissaq siunertarineqarsimasoq.
Qaartartumeerisoqarnerani inuit allallit nissutik annaavaat 114-llu ajoqusersimallutik napparsimmavimmut unitsitaallutik.
Qaartartumeerinermi eqqugaasut napparsimmavinnut assigiinngitsunukaassorneqarput nakorsallu savimerngit aseqqui timaannit piiarpaat.
Kina qaartartumeerisimanersoq imaluunniit inuit arlallit piliarineraat suli paasineqanngilaq. Qaartartulli taama ittut inummit ataatsimit sananeqariaannaapput, Amerikami FBI-mi qaartartunik immikkut ilisimasalik Kevin G. Miles oqarpoq.
- Inuup ataatsip piliarisimassappagu, pilersaarusiorluarlunilu paasiniaaqqaarsimassaaq, qaartartumeerinerilli oqaluttuarisaanermi pisimasut kingumut qiviaraanni taamatut saassussinerit inuup ataatsip piliai arlaqarput, Kevin G. Miles bostonherald.com-imut oqarpoq.
Bostonimi ippassaq arpaqataasumik nalunngisaqarpit?
SMS-erfigitigut mailerfigalutigulluunniit:
SMS: UNNIA 1717-imut sms-erutigiuk oqaluttuallu allallugu.
Email: 1717@knr.gl
www.knr.gl/1717
