Bornholm namminersulerusuppoq

Kommunimut qineqqusaarneq Danmarkimi uitsatigineqarpoq - Bornholmimi Kalaallit Nunaannitulli namminersulernissaq piumasarineqarpoq.
novembarip 16-at 2009 07:35

Aviisimi Ekstra Bladimi tamanna allaaserineqarpoq.

- Bornholmimi inuit ikiliartormata namminiilerusuppugut. Namminersulerutta qanorluunniit iliorsinnaanngussaagut, soorlu Savalimmiuni Kalaallit Nunaannilu taamaattoq, Namminersulernissaq pillugu partiimi siulittaasoq, Tonny Borrinjaland, oqarpoq. Taassuma qineqqusaarnermini inuussutissarsiutit pillugit politikki pitsaasoq qineqqusaarutigaa.

Bornholmimi Namminersulernissamut partii kisimi immikkut ilungersuussaqanngilaq. Soorlu Københavnimi Nihilistisk Folkeparti isumaqarpoq, Qungussutariannguaq Kinamut tunineqassasoq, taassuma assingi 698-it Købehavnimi sumut tamanut inissinneqarniassammata, Qungussutariannguarlu Kinamut tunineqartuuppat tamakku aningaasassaqartinneqalissagaluarput.