Nappaat Covid-19 siorna marsip qaammataani tuniluutilermalli Tuluit Nunaat aatsaat taama sakkortutigisumik eqqugaasoq, Boris Johnsonip oqaatigaa.Assi: Paul Ellis/AFP/Ritzau Scanpix

Boris Johnsonip Tuluit Nunaata sukannersumik matuneqarnissaa piumasarigaa

Tuluit coronamik tunillanneqaqqunatik angerlarsimaannassapput. Atuarfiit ilinniarfiillu eqqugaassapput.

Tuluit Nunaata matuneqarnissaa ministeriunerup Boris Johnsonip piumasaraa.

Coronavirusimik tunillatsissimasut amerleriangaatsiarmata nappaammillu toqquteqartut amerliartormata taamaaliorpoq.

Tuluit Nunaanni innuttaasut allatut ajornartumik sulisariaqartut eqqaassanngikkaanni angerlarsimaannarnissaat Johnsonip kaammattuutigaa. Atuarfiit ilinniarfiillu aamma eqqugaassapput.

Nappaat Covid-19 siorna marsip qaammataani tuniluutilermalli Tuluit Nunaat aatsaat taama sakkortutigisumik eqqugaasoq, Boris Johnsonip oqaatigaa.

AAMMA ATUARUK Danmarkimi coronavirusimik allaanerusumik tunillatsissimasut 86-it paasineqarput

Skotlandimi Tuluit Nunaannisut sukannertigisumik matusisoqarnissaa, Skotlandip ministeriunerata Nicola Sturgeonip ataasinngornermi aamma atuutilersippaa.

Coronavirusi allaanerusoq Tuluit Nunaanni Skotlandimilu politikerinit nakorsaniillu annilaarutigineqarpoq.

Coronavirusip allanngorneratigut paasinarsivoq virusi tuniluutianerusoq, maannamulli virusi assigalugu toqqutigineqarsinnaanerunersoq ilimagineqarani.

Virusi allanngorsimasoq Danmarkimi Europamilu nunani allani maanna aamma tuniluutilersimavoq.

- Taamaammat nuna tamakkerlugu matusariaqarparput, virusip maanna tuniluutilersup siaruatsaaliornissaa iluatsissagutsigu matusisariaqarluta, Boris Johnson oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat