Ministeriuneq festertertereersorlu isornartorsiorneqarpoq

Naalagaaffiup siuttuat kusanaatsulioreernerata kingornaTuluit Nunaanni inuit isumaannik paasiniaanermi illuatungiliuttut partiiat Labour siuttunngornissaannik kissaateqarput.
Premierminister Boris Johnson har i den seneste tid været ramt af et virvar af skandaler. Assi © : Paul Childs/Reuters/Ritzau Scanpix
Allattoq Ritzau
januaarip 16-at 2022 18:16

Tuluit Nunaanni nalaagaaffiup partiiat, kusanaatsuliorluni ministeriunerup angerlarsimaffiani Downig Streetimi festertitsivoq.

Inuit isumaannik paasiniaanermi erserpoq illuatungiliuttut partiiat Labour siuttutut inissisimasimanissaat kissaatigineqartoq.

Nutaarsiassaqartitsivik Reuters taama allappoq.

Inuit isumaannik paasiniaanermi apersorneqartut 41 procentiisa Tuluit Nunaanni Labourikkut siuttuunissaat kissaatigaat. Massakkullu siuttuusut 31 procentiisa taavaat.

Ministeriuneq Borris Johnson piffissamik kingullermi arlaleriarluni mamianartunik uivertitsivoq.

Ilaatigut killilersuisoqarnerpaaffiata nalaani angerlarsimaffimmini Downing Street 10-mi inunnik katersuutsitsilluni festertitsisimaneranik oqaluttuat arlallit pinikuupput.

Tuluit Nunaanni sakkortuumik killilersuisoqarnerata nalaani, ilaqutariit najugaqatigiinngitsut aalaat naapissinnaatitaanngillat. Akerlianili nunap siuttuat, ministeriuneq inunnik arlalinnik pulaartoqarluni festertitsisarpoq, taamaammallu tupinnanngitsumik tamanna pillugu innuttaasut naammagittaalliuuteqarput.

 

Aamma atuaruk