Boris Johnson coronavirusimik tunillatsissimasoq

- Akunnerit 24-t kingulliit ingerlaneranni sakkukitsumik ersiuteqaleriartorpunga, tuluit ministeriunerat Twitterikkut allappoq.
Tuluit Nunaanni coronavirus piffissami kingullermi tuniluutilertortorujussuanngorpoq. Tamanna tuluit napparsimmaveqarfiinut NHS-imut pingaartumik illoqarfiit pingaarnersaanni Londonimi unammillernartoqartitsivoq. Assi © : Pool/Reuters/Ritzau Scanpix
Allattoq Ritzau
marsip 27-at 2020 10:11
Nutserisoq Connie Fontain

Tuluit Nunaata ministeriunera, 55-inik ukiulik, Boris Johnson coronavirusimik tunillatsissimalluni, twitterikkut allappoq.

- Akunnerit 24-t kingulliit ingerlaneranni sakkukitsumik ersiuteqaleriartorpunga, coronavirusimillu tunillatsissimanera uppernarsarneqarluni, tuluit ministeriunerat Twitterikkut allappoq.

- Maanna nammineq angerlarsimaffinni mattutoqqassaanga, naalakkersuisulli videoopkaldit atorlugit virusip akiorneranik siulittuinnassavakka, Boris Johnson allappoq.

AAMMA ATUARUK Tamaat isigalugu: Coronavirus pillugu killiffik

Boris Johnson atorfimmini najukkamini Downing Streetimi tunillatsissimanerluni misissorneqarsimavoq. Nutaarsiassaqartitsivik, Reuters taama allaaserisaqarpoq.

Tuluit Nunaanni coronavirus piffissami kingullermi tuniluutilertortorujussuanngorpoq. Tamanna tuluit napparsimmaveqarfiinut NHS-imut pingaartumik illoqarfiit pingaarnersaanni Londonimi unammillernartoqartitsivoq.

Londonimi napparsimmaveqarfiit ”napparsimangaatsiartut amerlerujussuarnerat” aamma malugaat. NHS-ip upalungaarsimanermut pisortaa, Chris Hopson sisamanngornermi oqarpoq.