Boris Johnson coronaviruseqarnini peqqutigalugu napparsimmavimmut unittoq
Tuluit ministeriunerat Boris Johnson nualluummik coronavirusimik tunillanneqarnerminit ullut qulit qaangiuttullu napparsimmavimmut sapaammi unippoq.
Nualluummik tunillanneqarnermi kingorna napparsimaneranik takussutissaqartuaannarsimasoq, Johnsonip allaffianit Downing Streetimit sapaammi unnukkut nalunaarutigineqarpoq.
Johnson nakorsaminit siunnersorneqareerluni, napparsimmavimmut sapaammi unnukkut unippoq, coronavirusimik tunillatsinnerminit napparsimaneranit takussutissaqarmat.
AAMMA ATUARUK Allanik tunillatsittoqarsimanngitsoq
Boris Johnson napparsimmavimmut unereeraluarluni Naalakkersuisut siulittaasuattut ingerlaannarpoq, Tuluit Nunaata ineqarnermut minsteria Robert Jenrick oqarpoq.
Johnson nunarsuarmi naalakkersuisuni siulittaasuni coronavirusimik tunillanneqarsimasuni siullersaalluni marsip ulluisa 27-anni nalunaaruteqarpoq.
Tuluit ministeriunerat maana 55-nik ukiulik coronavirusimik tunillanneqarnermi kingorna atorfimminut atatillugu inigisamini Downing Streetimi mattusimavoq.
Suli kissarneqarluni, napparsimanerminillu annikitsuinnarmik ersiuteqarluni tallimanngornemi nalunaarutigaa.