Boris Johnson coronamik napparsimareerluni sulileqqittoq

Tuluit ministeriunerat peqqisseqqereerluni oqalugiaqqaarnermini matoqqatitsisoqarnerata nalaani naammagittartoqarneranut qujassuteqarpoq.
- Coronavirusip nuna tamakkerlugu ajornartoortitsinera ilisimavara, sulilu unammilligassaqarpugut, Sorsunnersuup kingulliup kingorna aatsaat taama unammilligassaqartigaluta, Boris Johnson oqarpoq. Assi © : Scanpix
Allattoq Ritzau
apriilip 27-at 2020 09:53
Nutserisoq Mads Lynge

Tuluit Nunaanni ministeriuneq Boris Johnson, coronavirusimik tunillanneqareernermi kingorna sapaatini-akunnerni qassiiusuni isulinngiffeqareerluni Tuluit Nunaanni naalakkersuisuni pisortatigoortumik siuttunngoqqippoq.

Taanna Londonimi 10 Downing Streetimi najugaqarfimmi saavani tuluit qutsavigalugit ataasinngornermi ullaakkut oqalugiarpoq.

- Coronavirusip nuna tamakkerlugu ajornartoortitsinera ilisimavara, sulilu unammilligassaqarpugut, Sorsunnersuup kingulliup kingorna aatsaat taama unammilligassaqartigaluta, Boris Johnson oqarpoq.

- Innuttaasut inuiaqatigiinni matoqqatitsisoqarnerani naammagittarnerannik qutsavigerusuppakka, Johnson oqarpoq.

AAMMA ATUARUK Boris Johnson napparsimmavimmit angerlartinneqarpoq

Boris Johnson coronavirusimik sapaatip-akunnerini arlalinni nappaateqareernermi kingorna 10 Downing Streetimut ippassaq sapaammi uterpoq.

Taassuma tuluit naalakkersuisuini ministeriunini pisortatigoortumik ataasinngornermi ullaakkut aallarteqqippaa. Matumanilu Tuluit Nunaanni coronap ajornartorsiortitsinera pillugu ilaatigut suliaqarnermi siulittuussalluni.

Boris Johnson Tuluit Nunaata ammaqqikkiartuaarneqarnissaanut qanoq pilersaaruteqartoqarnersoq, qaqugulu tamanna pissanersoq pillugu oqaaseqarsinnaanngikkallarpoq.

Qanoq sukkatigisumik, arriitsigisumik imaluunniit allannguutit qaqugu pissanerlsut oqaatigisinnaanngilagut, Boris Johnson oqarpoq.

- Naalakkersuisulli ulluni aggersuni annerusumik paasissutissiissapput. Aalajangiinerillu taakku pitsaanerpaaq aallavigalugu aalajangerneqassasut erseqqissaatiginiarparpa.

- Suliakka, isumaliutikka eqqarsaatikkalu ilinnut, tulunnut avitseqatigiissutiginiarpakka, Boris Johnson oqarpoq.