Borgmesterit ukiup aallartinnerani ataatsimeeqqittussanngorput
Borgmesterit kommuninilu pisortat Ålborgimi ulluni makkunani ataatsimiinnerat ullumi naggataarpoq.
Siunniunneqarporlu inatsisartunut qinersisoqareerpat borgmesterit aappaagu ukiup aallartilaarneraniit ataatsimeeqqissasut. Taama siunniussisoqarneranut isumaliutissiissutit pillugit innuttaasut tusarniarneqarnissaasa pingaartinneqarnerat tunngavilersuutaavoq.
Kommunit amerlanerit sivitsuinissaq kissaatigaat, akerlianilli Ilulissani borgmesteri Anthon Frederiksen isumaqataanngilaq, oqarluni, avannaani Kangaatsiamiit Pituffik Qaanaarlu ilanngullugit ataatsimiittarnerit ingerlanneqartareersut.
- Suleqatigiissutigineqarsinnaasut pillugit oqaloqatigiikkatta isumaqatigiippugut suleqatigiissutissat pillugit siunnerfeqassalluta, Anthon Frederiksen oqarpoq.
- Kommunit ukiuni arlalinngortuni kissaatigisarpaat namminneq aqutsilernissartik, sivitsueqqissappatalu tamanna uggornarpoq, Naalakkersuisut siulittaasorigallagaat, Hans Enoksen oqarpoq.
Taama oqarnerminut tunngavigaa, aningaasarsiornikkut nunatsinni napatinnerulernissaq kinguarsarneqaqqittussanngussammat.
Taamaakkaluartorli inatsisartunut qinersisussanngornerput utaqqimaaqqaarneqartariaqassaaq, isumaliutissiissutit inatsisartunut saqqummiunneqareerpata aatsaat naalakkersuisunngorumaartussat aalajangiiffigisussanngussammassuk.
