Borgmesterit: Naalakkersuisut kommuninut attaviginneqqaartariaqaraluarput

Kommuninut sipaarniarneq taassuma tulluanngitsutut isigaa, kommunit kattussuunnerisa nalaani sipaarniartoqalernera pissusissamisoorsorinnginnamiuk. Hermann Berthelsenip oqaatigaa aaqqissuussaanermut nutaamut ikaarsaariarnermi nukissat pisariaqartinneqartut taamaammallu ajuusaarnarnerarpaa Naalakkersuisut taamaaliornermikkut kommunininngaaniit nukissarpassuarnik sipaarniuteqalernerat.

Hermann Berthelsenip aamma naammaginanngilluinnartutut isigaa sipaarniartoqalernera kommunit qulaatiinnarlugit oqaloqatigiittoqanngitsumik ingerlanneqarmat.

Aningaasaqarnermut Naalakkersuisoq Palle Christiansen oqarpoq alloriarnerup tullerissagaa Aningaasanut Inatsisissatut siunnersuutip saqqummiunneqareernerani kommunit sipaarniuteqarnissaat pillugu attaveqarnissaq, tamannalumi pilersaarusiorneqareersimavoq. Kisianni sipaarniartoqanngitsoorsinnaanngitsoq Naalakkersuisup ilimasaarutigaa.