Borgmesterit amerlanersaat sassaqqinniarput
Kommuninut apriilip tallimaani qinersinissaq qanilliartorpoq, kommuneqarfinnilu 18-ini borgmesterit 14-it kommunalbestyrelsenik qinersinissamut sassaqqinniarput. Borgmesterit pingasut qinigassanngorteqqinnianngitsut, radioaviisip paasiniaanermini uppernarsivaa. Borgmesteri ataaseq qinigassanngortissanersoq suli uppernarsinngilarput.
Narsap borgmesteria Siumumeersoq Jørgen Lund qinigassanngorteqqinniarani ilisimatitsivoq. Jørgen Lund sassaqqinnianngilaq savaateqarfimminik ingerlatsinerminut uteqqinniarami.
Aasiaat borgmesteriat Atassummeersoq Knud Sørensen Aasianni qinigaaffinni arlalinni borgmesteriusareerluni politikkimit tunuarniarluni nalunaarpoq, tassalu qinersinissami tullermi sassassaqqissanngilaq.
Aamma Ivittuut ukiuni 18-ini borgmesteriat Henrik Skolemose qinersinermi tullermi sassaqqinnianngilaq, 60-inik ukioqalerami.
Nanortallip borgmesteria Siumumeersoq Nikolaj Ludvigsen qinigassanngorteqqinniarnersoq paasinngilarput, inuttaata attaveqarfiginiarnera iluatsinngitsoormat.
