- Akunnittarfimmik sanasoqarsinnaanissaa tusarniutaannaatillugulu peqataaffigisinnaavara, kisianni nammineerlunga tassani inissisimasussamik akuerseqataasinnaanngilanga, Uju Petersen allappoq.Assi: KNR/Johansinnguaq Olsen

Borgmesterip tullersortaa akunnittarfiliornissamut akerliusoq

Kommuneqarfik Sermersuup Nuummi Nuutoqqami akunnittarfiliornissamut pilersaarutitut siunnersuutaa borgmesterip tullersortaanit, Uju Petersenimit (IA) maanna akerlilerneqarpoq. Taamaalilluni parteeqatini borgmesterilu, Charlotte Ludvigsen pilersaarummik alutornarluinnartumik taasisimut akerliuvoq.

- Illoqarfitta nutaanngitsortaani aqquserngup biilinik angallaffigineqarunnaarnissaanik suliniuteqarnikuullungalu kommunalbestyrelsimi akuersissutigineqarnikuusoq sissiukkap aqqusernga biilinit angallaffigineqarnissaanut matuneqassasoq, taava uanga isumaqataaffiginngilluinnarpara nuutoqqami inissisimasussamik akunnittarfiliortoqarnissaa, Uju Petersen (IA) tusagassiuutinut allappoq.

Taamaalilluni parteeqatini borgmesterilu, Charlotte Ludvigsen pilersaarummik alutornarluinnartumik taasisimut akerliuvoq:

- Pilersaarut alutornarluinnarpoq, pissutigalugu kalaallit ileqqutoqaat nutaaliallu ataatsimoortinneqarmata. Illoqarfittalu ilaani nutaamik pilersitsisoqassalluni, Charlotte Ludvigsen Sermitsiaq.ag-mut oqarpoq.

AAMMA ATUARUK Nuummi Nuutoqqami akunnittarfiliortoqarnissaanut akerliusut

Malaysiamiut akunnittarfiutillik, Berjaya Corporation Group of Companies Nuutoqqami akunnittarfimmik akimarpaluttumik sanaartorusuttuuvoq.

Pilersaarutitut siunnersuut naapertorlugu akunnittarfik akimarpaluttumik 95-inik ineerartaqassaaq, imerniartarfeqassaaq, neriniartarfeqassaaq timigissartarfeqassallunilu.

Tusarniaanissaq nammineq akuersissutigigaa

Naak Uju Petersen pilersaarummut akerliugaluarluni akunnittarfiliornissamut pilersaarutip kommunalbestyrelsinit tusarniaassutigineqarnissaanut akuerseqataasuuvoq.

- Akunnittarfimmik sanasoqarsinnaanissaa tusarniutaannaatillugulu peqataaffigisinnaavara, kisianni nammineerlunga tassani inissisimasussamik akuerseqataasinnaanngilanga, Uju Petersen allappoq.

Nuutoqqami sanaartortoqarnissaanut akerliusunut atsiornernik katersisoqaleruttorpoq. Atsiortitsinerit katersorneqartut marlunngornermi ualikkut 1097-iupput.

Pilersaarut novembarip 29-annit februaarip ulluisa arfineq-aappaannut 2020-mut tusarniaassutigineqarpoq. Kommuneqarfik Sermersooq pilersaarummut atatillugu aamma paasissutissiinermik ataatsimiititsissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat