Borgmesterinngornissani ornigineruaa

Demokraatit siuttuat Per Berthelsen Folketingimut ullumi qinigaassagaluaruni Christiansborgimi ilumut suliffeqalissanerluni qularnaatsumik oqaatigisinnaanngilaa.

Per Berthelsen Nuummi borgmesterimut tullersortaasoq, apriilimi kommunalbestyrelsimut qinersinissami Nuummi borgmesterinngorniarniarpoq. Demokraatit borgmesterinngortitsissagaluarpata Per Berthelsen Folketingimit tunuarniarpoq.

- Demokraatit Nuummi borgmesteringortitsinngippata kommunalbestyrelsimit Inatsisartunillu tunuarlunga Folketingi kisiat aallutissavara, borgmesterinngortitsissaguttali siulittaasup tullia Palle Christiansen Folketingimut isertariaqalissaaq, Per Berthelsen nassuiaavoq.

Taama pisoqartariaqalernissaanut nassuiaatigaa Demokraatit partiitut nutaajummata, taamaattumillu misilittagaqanngitsumik Folketingimut isertitsinissaq pissusissamisuussanngimmat.

Per Berthelsenip erseqqissaatigaa qinigaaffimmit sorlermit tunuarnissani partiip qullersaasa aalajangigassarigaat.

Erseqqissaatigaattaaq Folketingimut qinigaassaguni Palle Christiansenimit kingoraarneqarnissani pillugu taannalu isumaqatigiissuteqarsimanatik.