Borgmesteri taasinermi aalajangiisuuvoq
Taasinermilu naligiittoqarnera pissutigalugu inernerusussaq nalorninartorsiutigineqaleraluarpoq,
borgmesterip kingullertut nappaanermigit kommunip aaqqissuuteqqinneqarneranik suliap ingerlaannarnissaa qulakkeeramiuk.
Taasinerit marluk amerlanerussuteqartitsipput, tassa taasisut 11 -t Qaasuitsup kommuniata avinneqarani ingerlaannarnissaa kissaatigaat, akerlianik qulingiluat kommunip avinneqarnissaa taasinermikkut toqqaraluaraat.
Kommunip avinneqarnissaanut siunnersuuteqaqqaartoq Kristian Jeremiassen siumut sinnerlugu kommunalbestyrelsemut ilaasortaq taasinerup inernera pakatsissutigaa, ataqqilluguli.
-Qinikkat innuttaasunut ungasillipput, Kristian Jeremiassen oqarpoq nassuiaallunilu innuttaasut tusarniaaffigineqartut amerlanerpaat kissaatigisaat tusaaneqanngitsoq.
Parteeqataatali Bernhardt Olsenip isumaqatiginngilaa, taanna kommunerujussuup avinneqarani ingerlaannarnissaa kissaatigaa, naak taasinermi naleriinneq assut tupaallaatigalugulu pissanganartorsiorfigisimagaluarlugu.
-Kommunerujussuarmi angusat ajoriinnangassaanngillat, Bernhardt Olsen oqarpoq nassuiaallunilu kommuni sinneqartoortarnermigut akiitsut akilersimagaai.
-Paasisitsiniaanerli pitsanngorsarneqartariaqarpoq, kommunip ingerlanera aamma pitsanngorsaatit pillugit innuttaaasut pitsaanerusumik paasitinneqartariaqarput, Bernhardt Olsen oqarpoq.
Ima taasisoqarpoq:
Kommunerujussuaqaannarnissaanik illersuisut:
Ane Lone Bagge (D)
Abel Karlsen (K)
Peter Olsen (IA)
Bendt B. Kristiansen (IA)
Timooq Mølgaard (A)
Bernhardt Olsen (S)
Apollo Mathiassen (S)
Otto Jeremiassen (S)
Jess Svane (S)
Villads Korneliussen (S)
Isak Hammond (IA)
Kommuni avinneqassasoq:
Kristian Jeremiassen (S)
Ole Zeeb (K)
Palle Jerimiassen (S)
Knud Kristiansen (A)
Jens Danielsen (S)
Edvardt Kristiansen (IA)
Enok Sandgreen (S)
Naja Petersen (A)
Hans Aronsen (IS)