Polar Fishimillu nittarsaassineq unnugu naggataassaaq.
Hermann Berthelsen radio aviisimut ima oqarpoq:
- Isumaqartuaannarpunga aalisarneq Kalaallit Nunaanni inuussutissarsiutit pingaarnersarigaat, taamatullu aaqqissuisarnerit Kalaallit Nunaanni qaqutigoortorujussuupput tassami ukiut marlukkaarlugit maani ingerlanneqartarput, taamaammat isumaqarpunga aalisarnermik naalakkersuisoq soqutinninnerusariaqaraluartoq, aalisartut maani naapillugit aalisarnerup qanoq ineriartortitsisoqarnissaanik isumasiorneq peqataaffigalugu, tassami aamma aalisakkat qanoq pitsaanerusumik tunisassiarineqarsinnaanerat aamma isumassarsiortoqarpoq, Hermann Berthelsen oqarpoq.
Taanna erseqqissaavoq aalisarnermik soqutiginnissimagaanni pisumut taama ittumut peqataasariaqartoq.