Borgmesteri: Meeqqat kaanngillat uerisimasulliukua
Tasiilami meeqqat tallimat qulillu akornanni kaattartut Amarngivami ningiu Susanne Mejer Atuagagdliutinut oqarpoq. Siumut sinnerlugu borgmester Vittus Mikaelsen isumaginninnermullu pisortaq Knud Slot peqatigalugu atuartunik 5-600-t missaanniittunik misissuisitsimmat inernera allaaneruvoq.
Atuartut misissorneqarnerani paasineqarpoq atuartut marluk kaattartutut nalilerneqarsimasut.
Vittus Mikaelsen oqaluttuarpoq Amarngivap nammineerluni ullut tamaasa nalunaaqutaq marlunut meeqqat ataatsimoortillugit boorlunik kaaginillu sutugassittarai, taamaalillutik meeqqat naatsorsuutigiuaannaleqqavaat. Isumaqarpoq aamma Amarngivap nammineq meeqqat ueriseriarlugit kaattarnerarlugit pisuutikkai. Ilanngullugulu oqaatigaa
Amarngivap Namminersornerullutik Oqartussaniit 350.000 koruuniusunik ukioq kingulleq tapiiffigineqarsimannginnertik annerigaat, uffalu Tasiilap Kommunianiit tapiissutit taakkua tapiissutigereerai.
Atuartut nalinginnaasumik atuarfimmi nerisarnerat novembarip aallaqqaataaani aallarteqqissimavoq.
