Borgmesteri: Kujataani imaatigut angallanneq aaqqiiffigineqartariaqarpoq

Imaatigut pisortat ilaasartaatai, Qaqortup, Nanortallip tamassumalu pigisaani angalasut sipaarneqarlutik 2000-p aallartilaarneranili atorunnaarmata imaatigut ajunaarnerit qulit sinnerpaat.
Allattoq Judith Hard Peilmann
decembarip 30-at 2009 12:22

Sumiiffinni ilaasartaateqarfiunngitsuni umiatsiaaqqat iluatitsiffiginiarlugit ilaanni mianersugaalliornertalimmik ajoraluartumik angalasoqartarpoq.

Angutit marluk Nanortalimmi juulleriartortoq ilisisuneereerlutik Aappilattunut angerlartillutik imaatigut ajunaarput.

Nunatta kujaterpiaani imaatigut ilaasartaatit angalajunnaarsinneqarmata, imaatigut ajunaarnerit amerlinissaat, Simon Simonsenip siulittuutigivaa.

- Siulittuutigut maannakkut kinguneqarnerluttut piviusunngortut maannangaaq Angallannermut Naalakkersuisumit iliuuseqarfigineqarnissaat neriuutigaarput, Simon Simonsen oqarpoq.

Borgmesteri ukiortaap kinguninngua atorfilittani peqatigalugit Angallannermut Naalakkersuisumut Jens B. Frederiksenimut saaffiginnissuteqarniarluni aamma oqarpoq.

-Angallanneq pillugu Naalakkersuisup suleqatigiissitaliarsuaanut nunatta kujaterpiaani angallannerup nutaamik aaqqiivigineqarnissaa pillugu nukingisaarutinik allagaqarniarpunga, Simon Simonsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq