Siumut Nuuk: Borgmesteri akisussaaffimmik tigusisariaqarpoq
Kommuneqarfik Sermersuumi kommunalbestyrelsip ataatsimeeqqammersup uppernarsarpaa amerlanerussuteqarlutik suleqatigiittut akisussaaffitsik nassuerutigerusunngikkaat, Siumut Nuummi siulittaasoq isumaqarpoq.
Borgmesterip aammalu Meeqqanut Ilaqutariinnullu Ataatsimiititaliami siulittaasup isumaginninnermut ingerlatsiviup meeqqat sumiginnakkat pillugit sulianut malitseqartitsisimannginnerannut piginnaasaqarsimannginneranullu imminnut akisussaatikkusunngillat, Vittus Qujaukitsoq tusagassiuutinut taama allappoq.
AAMMA ATUARUK Akisussaaffiit agguataarneri ersarissuussapput
Pisortat, politikeriunngitsullu, pisoq pillugu sumiginnagaasuusut, Kommuneqarfik Sermersuumi pisortaagallartoq Lars Møller Sørensen aningaasaliissutit amerlineqarsimasut innersuussutigalugu sapaatip akunnerata siuliani oqarpoq.
Siumut Nuummi siulittaasup, Vittus Qujaukitsup politikerit ingerlatsinermut akisussaasuusartut oqarluni borgmesteri Asii Chemnitz Narup akisussaaffimmik tiguseqquaa.