Bordtennis-imik unammersuarnermi kalaallit angusarissaartut

Nerrivimmi arsaararluni nuna tamakkerlugu unammisartut, nunatsinneersut Danmark-imi nuna tamakkerlugu unamminermi Triton-imik taaguuteqartumi, Odense-mi ingerlanneqaqqammersumi angusarissaarsimapput takutitsilluarsimallutik, nersualaarneqarsimaqalutillu.

Nunatsinniit unammisartut 14-it unamminermi peqataapput, aqqaneq marlunnillu medaaliannallutik.

Ippassaq unamminermi ajugaaniutivillutik unammipput Petrus Brønlund Ittoqqortoormiuneersoq Aqqaluk Nielsen-ilu Sisimiuni nerrivimmi arsaarartartut peqatigiiffiannit Bat 98 Sisimiuneersoq, unamminermi tassani Petrus Brønlund pissartanngorpoq. Sikkersoq Petersen Sisimiuni nerrivimmi arsaarartartut peqatigiiffianni Bat 98-imeersoq arnani angajullerni unamminermi pissartanngorluni. Arnani nukarlerni Arnannguaq Lyberth pissanngorluni. Odense-imi nerrivimmi arsaarartartut Triton-imik taaguuteqartinneqartumi unamminermi unammeqataapput nerrivimi arsaararluni unammisartut 230-it..

Nunatsinni bordtennis-imik unammisartut marlunngorpat nunatsinnut utissapput