Boliviap præsidentia taaguunneqarnerpaavoq
Kisitsigallarnerit siulliit paasinarsisippaat, præsidentimut qinersinermi Morales, 63 procentinit taaguunneqarsimasoq, qinigaanerpaallu tullia 27 procentiinnarnik qinerneqarsimasoq.
Pisortatigoortumik kisitsisinik suli saqqummiussisoqanngilaq. Qinersisartut pingasunut agguarneranni, aggornerit marluk angullugit amerlanerussuteqassaguni piumagunilu, inatsisit tunngaviusut allanngortissinnaavai.
Tamatuma kinguneranik inatsisiliorsinnaalissaaq, Boliviami nunap inoqqaavinut annerusumik imminut oqartusaaffeqarnerulersitsisunik. Morales nammineerluni tassaavoq, Amerikami kujallermi naalagaaffimmi siuttunngortuni indianernit kingoqqisuni siullerpaaq.
Partiit pingasut, ukiuni 30-ni kingullerni illuatungiliuttuusimasut, sunniutaarutsinneqarput.
Amerikamiut malinnaatitaat Jim Schultz, nutaarsiassaqatitsivimmut Associated Pressimut oqarpoq, Morales nalissaqanngitsumik innuttaasunit tapersersorneqartoq. Tassami nuna tamakkerlugu qinersinerni maanna tallimassaanik Morales siuariarmat.
