Boliviami aningaasaliisimasut ernumapput

Amerikami kujallermi naalagaaffimmi Boliviami naalakkersuisut sakkutuutik, uuliasiorfitik, gasisiorfitillu nakkutigitikkiartorpaat. Aningaasaliisimasut avataaneersut ernumaleqaat, uuliammi gasillu annerpaartaat namminneq pimissut isigigamikku.

Amerikami kujallermi naalagaaffiup Boliviap sanilerisaani Brasiliami naalakkersuisut ernummatigilerpaat Boliviap ikummatissanik pisuussutiminik oqartussaaffeqalernialernera.

Brasiliammi naalagaaffiata Boliviami uuliaqarfiit gasseqarfiillu 45 %ii aningaasaliiffigisimavaat, præsidentiatalu tuaviortumik pilersorneqarnermi ajornartorsiutaalersinnaasut pinngitsoortinniarlugit ataatsimiisitsivoq.

Allamiut Boliviap ikummatissatigut pisuussutaanik aningaasaliisimasut ernummatilerput, pingaartumillu Spaniamiut aningaasaliisimasut eqqarsariaqqapput.

Boliviap præsidentiata nunami allamiut aningaasaliisimasut ukiup affaanik isumaqatigiissutit iluarsineqarnissaannut periarfissiivoq – allamiullu aningaasaliineri annikigisassaanngilaq. Ukiummi kingulliit 18 mia.nik nalilinnik aningaasaliisimapput.

Bolivia naalagaaffiuvoq Amerikap kujalliup piitsuunersaa. Nunallu pisuussutaanik nioqquteqarnermi akiitsunik akilersuiuarnermi aningaasakilliorneqarpoq.

Præsidentinngorlaaq Morales Boliviap pisuussutaasa naalagaaffimmit nakkutigineqalernissaat neriorsuutigaa.