Boligstøttemik illuutillit oqilisaanneqarusuttut
BSU aqqutigalugu illuliorsimasut akiliisinnaassutsimikkut ajornartorsiuteqalersimasut, ernialersugaanngitsunik akilersuilersinnaanerat akiligassaminnilluunniit isumakkeerfigineqarsinnaanerat inatsisartut ullumi oqaluuserissavaat.
BSU aqqutigalugu illuliorsimasut akiitsuminnik akilersuinissamik ajornartorsiuteqartut ernialersugaanngitsumik akiitsuminnik akilersuisinnaanerat siunnersuutigineqassaaq.
BSU aqqutigalugu akitisuminnik kinguaattooqqasut ukiumut 180.000 ataallugit isertitaqarsimagunik, ernialersugaanngitsunik akiitsuminnik akilersuilersinnaanerat naalakkersuisunit aamma siunnersuutigineqarpoq. 18-it ataallugit ukiulinik meerartallit, ukiumut isertitaasa minnerpaaffiat 4.000 koruuninik meeraq ataaseq ilaneqartassaaq, annerpaamilli meeqqat arfiniliusinnaapput.
BSU aqutigalugu illuliorsimasut, ukiumut 128.000 koruuninit ataallugit isertitaqarsimasut akiitsuminnik isumakkeerinniffigineqarsinnaanerat aamma periarfissaqalertariaqartoq siunnersuutigineqarpoq.
