Bolatta Silis Høegh saqqummersitsissaaq

Assilialiorluni eqqumiitsuliortartup Bolatta Silis Høeghip aqagu tallimanngornermi Danmarkimi Lyngby Kunstforeningimi saqqummersitsinissani ammassavaa.
Allattoq Elisa Isaksen
oktobarip 04-at 2007 07:51

Bolatta Silis Høegh Qaqortumeersuuvoq, aasaaneranilu taqqavani suliani maanna Lyngbymi saqqummersinniarai Sjællandip avannaani aviisi Det grønne Område, nittartakkamini dgo.dk-mi taama allappoq.

Bolatta Silis Høegh 1981-imi inuusoq eqqumiitsuliortunut inuusuttunut ilaavoq, mannalu tikillugu kalaallit eqqumiitsuliortut pinngortitamik samminnittarnerannit allaasumik sammisarlugit nunatsinni ineriartorneq, illoqarfissuit, nunarsuarmioqataaneq aamma pisoqqat nutaallu avissaarutaat.

Bolatta Silis Høegh eqqumiitsuliortup ilisimaneqarluartup Aka Høeghip aamma assiliisartup Ivars Silis-ip panigaat. Bolatta eqqumiitsuliortuunani tuluit oqaasii universitetimi atuarusunnerusimagaluarpai.

Kisianni eqqumiitsuliorneq soqutigileraluttuinnarpaa, 2006-imilu Århus Kunstakademimi ilusilersuinermut qalipaanermullu tunngasunut ukiuni sisamani ilinniarnini naammassivaa, arlaleriarlunilu saqqummersitsisareerpoq, pitsaasumillu nalilerneqartarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq