Bob Dylan-ip Barack Obama tapersersorpaa
Amerikamiu erinarsortartoq tusaamasaq, Bob Dylan, Tuluit Nunaanni aviisimit, The Timesimit, ippassaq saqqummersumit, apersorneqarluni oqarpoq, demokratit sinnerlugit præsidentimut qinigassanngortinniartup, Barack Obama-p, nutaaliorniarnera pissutigalugu USA-mi politikikkut allanngortoqaraluttualersoq.
Allattoq Jaaku Lyberth
-Piitsuussuseq USA-mi ullumikkut aserorsaasuuvoq. Inuit piitsuugaangata minguitsuunissaat naatsorsuutigineqarsinnaanngilaq. Barack Obamali politikkip tungaatigut nutaaliorniarsaraaq, Bob Dylan oqarpoq.
-Politikeri sunaanersoq nutaamik nassuiarpaa, tamatuma kingorna qanoq pisoqassanersoq takujumaarparput. Neriulluarpasippunga? Aap, neriuppunga allanngortoqassasoq, Dylan aviisimit The Timesimit sivisoqisumik apersorneqarnermi naggataatungaatigut oqarpoq.