ASSIT Bluesimik nipilersorluni isiginnaartitsineq nuannarineqarluartoqq
Isiginnaagassiornermi aqutsisoq Heidi Møller Isaksen naapertorlugu, isiginnaagassiaq sisamanngormat takuteqqaarneqarmalli 400-t missannit isiginnaariarneqarsimavoq.
"The Blues" tassaavoq Nunatta Isiginnaartitsisarfiata Arctic Winter Gamesimut eqqumiitsuliornikkut tapiissutaa.
Aamma atuaruk The Blues unnugu takuteqqaarneqassaaq
Isiginnaartitsissut "The Blues" Isiginnaartitsisarfiup pisortarisimasaanit Svenn Syrinimit isumassarsiaavoq.
Erinarsortartut arnat marluk sallersaapput, Marianne Varna Nielsen aamma Marie Mathiassen, taakkulu Nunatsinneersunik, Italiameersunik Skandinaviameersunillu nipilersortoqarput pikkorissorsuarnik.
Bolatta Silis-Høegh isiginnaartitsiviup kiluanik atisanillu aaqqissuisuuvoq, atuakkiortoq Niviaq Korneliussen oqaasertassanik suliarinnittuulluni, Sverigemeersorlu Jerker Fahlström ilitsersuisuuvoq.
Danmarkip kultureqarnermut ministeriata Berthel Haarderip, isiginnaartitsisarfik Isiginnaartitsisartunngorniallu ilinniarfiat kultureqarnermut naalakkersuisoq Nivi Olsen peqatigalugu tallimanngormat alakkareerlugit isiginnaartitsissut "The Blues" arfininngormat isiginnaariarpaa.
Isiginnaartitsissut sisamanngorneq marsip ulluisa qulingat ilanngullugu takutinneqartassaaq.
Aamma atuaruk Nunatta Isiginnaartitsisarfiani takutitsinermut sungiusartut alakkarsinnaavatit