Blok P-mi saassussineq ujajaanerlu
Angut 32-nik ukiulik Nuup Eqqartuussiviani ullumi killisiorneqarpoq, pissutissalimmik politiinit pasineqarluni - angut taanna 49-nik ukiulimmik ujajaasimasutut pasineqarpoq.
Tamatumunnga peqatigitillugu angut alla 49-nik ukiulimmik saassussinermut ujajaanermullu atatillugu pasillerneqartoq, Sermitsiaq.ag-mi allaaserineqarpoq.
Angutit taakku marluullutik 49-nik ukiulik saassussimavaat, ilisimajunnaarnissaatalu tungaanut toqqusassisimallugu, ilisimajunnaarmallu kaasarfii imaarlugit, Nuummi politiit aviisimut taama ilisimatitsipput.
Saassussineq ippassaq ullaap tungaani qulingiluat missaani Blok P-mi majuartarfiit sisamaanni pivoq.
Nuummi politiinit oqaatigineqarpoq, 32-nik ukiulik arfininngornermi ullaakkut saassussisarluni siullermiilinngitsoq.
Aammami ippassaq ullaakkut arferngup missaanni angut alla saassuppaa, tallimariarlunilu isimmitsarlugu.
32-nik ukiulik aggustip 17-iata tungaanut tigummigallarneqarpoq.
