Blok P-ip pujoralassua meeqqanut allamut inissiigallartitsisussanngorpoq
Nuummi Blok P-mi isaterinermi Meeqqerivik Ungaaq pujoralammiuffiulermat tassaniittut allamut nuutsikkallassallugit, Kommuneqarfik Sermersooq ullumi aalajangerpoq:
- Pujoralappallaarnera atuisunit ernumassutigineqarmat, meeqqat tassaniittut piiaanerup nalaani allamut inissikkallarnissaannut periarfissaqariaratta, taanna atorluarput, Kommuneqarfik Sermersuumi piorsaanermut immikkortortami pisortaq, Willian Krigel, tama oqarpoq .
Blok P-p isarneqarnera Inissiaatileqatigiiffik INI-mit akisussaaffigineqarpoq. Pujoralammillu ajoquteqarneq tassani paasilluarneqarsinnaavoq.
Sulianik ingerlatsisoq, Gunnar Nielsen, isumaqarpoq, Blok P-p sanilii allat kommunip iliornera maliinnarlugu nuuttariaqanngitsut:
- Meeqqerivimmiunik nuutsitsineq sooruna peqqarniiginarsinnaavoq, kisianni paasilluarsinaavakka. tassami pujoralak nipersuarlu ajoqutaasinaaqaat, Gunnar Nielsen oqarpoq.
Naallu pujoralak iluaaginarsinnaagaluartoq, peqqinnissamut ajoqutaanngitsoq Gunnar Nielsenip qularutiginngilaa:
- Ajoqutaanavianngilaq. Pujoralak sanaartukkaneersuinnaavoq toqunartortaqaranilu, Gunnar Nielsen oqarpoq.
Taassuma aamma neriorsuutigaa, Blok P-miit pujoralatserineq isaterisumut millisaqquniarlugu:
- Isaterisut saaffigissavakka, eqqumaffigeqqullugu silaannaq panerpallarluni pujoralannarsigaangat, imermik serpaterisaqqullugit, INI A/S-imeersoq oqarpoq.