Blok P inuerukkiartorpoq
Blok P-mi maannakkut inissiani 53-ini najugaqartut, ukiup naanissaata tungaanut allamut nuunnissaminnut periarfissaqarput.
Inissiaatileqatigiiffimmi INI a/s-imi najugaqartunut sullissisoq Frederikke Ingemann, Blok P-mi najugaqartut inissianut allanut nuunnissaannut suliaqartoq, oqarpoq, Blok P-mi najugaqartut amerlanerit Nuup illoqarfiani aamma Nuussuarmi inissianut nuunnissartik kissaaatigigaat.
- Blok P-mi najugaqartut Nuup timaanut Qinngutsinnut nuunnissaannut neqeroorfigineqarput. Qinngutsinni inissianut nuunnissamut blok P-mi najugaqartut ilaasa, inissiat akisugalugit Qinngutsinni inissianut nuunniaratik nalunaarput, ilaqarpulli Qinngutsinnut nuukkusuttunik, Frederikke Ingemann oqarpoq.
Blok P-mi najugaqartut inissianut allanut nuutsinniarneqarnerat, INI a/s-imit ajornartorsitigineqanngilaq. Inissiat inueruttut blok P-mi najugaqartunut neqeroorutigineqartarput, Frederikke Ingemann oqarpoq.
Blok P-mi maannakkut najugaqartut 53-iupput, taakkua ukiup naanissaata tungaanut Blok P-mi najugaqarsinnaapput. 2011 naatinnagu Blok P inuerutereersimanissaa Namminersorlutik Oqartussanit nalunaarutigineqarpoq.
