Blok P ikuallaleraluartoq
Inuit arlaat suli kinaassuserneqanngitsoq Blok P-mi ikuallatsitsisimavoq politiillu suli paasiniaanertik ingerlappaat.
- Suli kinaassuserneqanngitsoq eqqagassanik katerseriarluni inissiat ilaanni ikuallatsitsisimavoq. Qatserisartut takkutiaarnerisigut ikuallannerup siaruaannissaralua pinngitsoortinneqarpoq, Nuup politeeqarfiani pingaartuusoq Gert Kristensen KNRimut oqarpoq.
Taanna erseqqissaavoq ikuallanneq pillugu politiit annerusumik oqaaseqarsinnaanngikkallartut pisimasoq suli paasiniaaffigineqarmat.
Ikuallannermut tunngatillugu inuit paasissutissaateqarpata politiinut saaffiginninnissaat politiit kaammattuutigaat oqarasuaat 321448 atorlugu.