Bjørn Lomborgip nunatsinnukarnera iluarineqanngilaq

Lomborg-ip ingerlatsivianut, Copenhagen Consensus-imut aningaasaliissutit aappaagumut marloriaatinngortinneqarnissaat Dansk Folkeparti-p piumasaraa tamannali naalakkersuisuni partiinit itigartinneqarpoq.

Apeqqut ataaseq ilimaneqaatigilernikuuaa.

Aningaasat atorluarniaraanni avatangiiseq illersorniarlugu sutigununa iliuuseqartussaasugut?

Bjørn Lomborg-ip tusaamasaasup tusaamanerlugaasullu atini tusaamaneqarsilerpaa, tassa ukiorpassuarni avatangiisitsinni ajornartorsiutit sorliit ajornerpaanerannik nalinginnaasumik paasinneriaaseq taamatullu qanoq iliuuseqarfiginissaat illuatungilersortaramigit.

Ukiuni kingullerni naalagaaffiup ukiumut 2,5 mio. kr.-inik atugassittarsimavaa Berrlingske Tidende-lu malillugu Dansk Folkeparti-p ukiuni pingasuni tulliuttuni aningaasat marloriaatinngortikkumavai.

Piffissamulli qaanngittumut sanilliullugu naalakkersuisunit Bjørn Lomborg nuannarineqarpallaarunnaarpoq, Konservative-llu oqaaseqartarluart Per Ørum Jørgensen isumaqarpoq, Bjørn Lomborg pimoorusisuunngitsoq.

Bjørn Lomborg-ip aliikkusersuinera naalagaaffimmit aningaasalersugaassanersoq peqqutissaqartumik apeqquserneqartariaqartoq isumaqarpunga.

- Apeqqullu una, aningaasat atorluarniaraanni avatangiiseq illersorniarlugu sutigununa iliuuseqartussaasugut, Bjørn Lomborg-ip saqqummiukkaangagu, taava Venstre-t avatangiiseq pillugu oqaaseqartartuat Eyvind Vesselbo oqartarpoq, aningaasat Bjørn Lomborg-imut atorneqartariaqanngitsut.

Manna tikillugu takunikuusagut oqaaseqarfigisinnaavakka ima; saqqummiunneqarnikuusut naapertorlugit aningaasanik amerlanerusunik tunnissisoqaqqinnissaanut tunngavissiisoqanngitsoq isumaqarpunga.

Taama oqarpoq Eyvind Vesselbo.