Islandimiup erinarsortartup nunarsuarmi tusaamasaasup Björkip, cd-liaa saqqummersussaq danskit nunasiaateqarnerannut isornartorsiuinermik imaqarpoq.
Tassa Bjørkip ataasinngorpat saqqummersisssavaa cd-liani nutaaq atsersimasani ”Volta”. Nuteeqqami tassani erinnat ilaat immikkut maluginiartariaqartoq ateqarpoq ”Declare Independence" kalaallisuumut nutseraanni ima nipeqartoq- Namminersulernissat piumasariuk.
Taama erinniorsimanini Bjørkip Kalaallit Nunaannut Savalimmiunullu tunnganerarpaa, aammali aapparisaq iluanngitsoq qimaqqullugu ikinngummut oqariartuutaasoq Bjørk nittartakkamini allappoq.
Nunatta Savalimmiullu Islandimut naleqqiullutik Danmarkimit suli nunasiaataanerat immaqalu nunasiaataajuarnissaat Bjørkip pinerarpaa.
- Islandimiut ukiuni 600-ngajanni Danmarkimut nunasiaataareerlutik avissaarput, Kalaallilli Nunaanni Savalimmiunilu uuliaqartoq paasereerlugu danskit nunasiaatiminnut iperaajumajunnaartut, Bjørk uparuaavoq.