Björk: Namminiilivinnissarsi suaarutigisiuk

Allattoq Mads Lynge
juulip 06-at 2007 11:00

Danmarkimi sialussuaq Roskildefestivalimik assut eqquinerluppoq.

60 aamma 70 millimeterillu akornanni annertussusilimmik Sjællandimi siallereersimavoq, festivalerfimmilu tamani tamaani qarsutsineqarpoq.

Inuit ipillutik toqusinnaasut allaat Danmarkimi upalungaarsimaniarnermut suliallit mianersoqqussutigaat. Tassa aalakkallutik angalaartut tasinngortanut nakkarlutik ipillutik toqquteqarsinnaasut mianersoqqussutigineqarmat.

Erinarsortartoq Islandimeersoq Björk kamillaangalluni ippassaq unnukkut tusarnaartitsivoq. Politiken taama allappoq.

Erinnat ilisimaneqarluartut atorneqarput, Björkilu qitiitigaluni tusarnaartitsineq naggasiilernermi siorna politikkikkut paatsuugassaanngitsumik suaarpoq nunat assigiinngitsut namminiilivinnissartik suaaritigisariaqaraat. Tassa erinaq Declare Independence, kalaallisuunngorlugu Namminiilivinnissaq piumasaqaatigisiuk, appippaa. Kalaallit savalimmiormiullu erfalasuinik tunuliaqutserluni taama appippoq.