Ujakkaartartut, Naala Rasmussen, Bjarne Herbert Hansen aamma ane Mette NoahsenAssi: Simon Uldum/KNR

AWG 2018 Bjarnep AWG 2016-imi kuultinnattani illersussavaa

Arctic Winter Games 2018-imi ujakkaarluni unamminerit sisorartarfimmi Fort Smith Nordic Centerimi ingerlanneqarput,, kalaallillu maannanut ataatsimik kuultinnapput.

Fort Smith: Allaaserisaq paasissutissanik nutaanik Canadami nalunaaqutaq malillugu nal. 11.37 nutarterneqarpoq.

Kalaallit ujakkaartartut sungiusaasuata Øystein Slettemarkip KNR-imut mailerluni ilisimatitsissutigaa aqagu sprintimik unamminissaq, Bjarne Herbert Hansenip peqataaffigisassaa, klassiskiunani fristilimik ingerlanneqassasoq.

Stili taanna atorlugu Bjarne Herbert Hansen AWG 2016-imi kuultinnappoq. Taamaammat Bjarne  ujaminnannissaminut periarfissagissaarnerulerpoq, immaqalu AWG2018-imi kuultinnattani aappersinnaassallugu.

Bjarne Herbert Hansen ujakkaarluni fristilimi 10 kilometerinut sukkaniunnermi kuultinnappoq. Angusani nuannaarutiginerarpaa tallimanngorpalli unamminissaminut qanoq periarfissagissaartiginerluni oqaatigissallugu tunuarsimaarfigineruaa

- Løjpe qummukajaaqarpiannginnami oqittuararsuuvoq, kisianni sukataarnalaarluni -  soorlu qummukajaaqanngilaq, aamma ammukajaaqanngilaq, taava aqqutaa tamaat sukataarusaaginnaavittariaqartaratta artornalaartarpoq ilaatigut, Bjarne Herbert Hansen KNR-imut taama oqarpoq.

Taanna maannamut marloriarluni unammereerpoq, tallimanngorpallu naggammik unammilluni sprintimut peqataasussaalluni. Ujaminnannissaminut qanoq periarfissaqartiginerluni aperineqarami ima akivoq:

- Neriuppunga, kisianni ilimagivallaanngilara,  klassiski pikkoriffigivallaannginnakku, Bjarne Herbert Hansen taama oqarpoq.

LÆS OGSÅ Kulturaften i Fort Smith

Sungiusaasoq naammagisimaarinittoq

- Soorlu siornatigut oqaatigereeriga, qanoq angusaqarnissarput siumut oqaatigiuminaatsippara. Sapinngisartilli tamaat unammippata naammagissavara. Ippassaq ingerlalluaqaat, Bjarne 10 kilometerinut aallaqatigiilluni sukkaniunnermi ajugaavoq. Assut pissanganarpoq, tassami sekstendedel sekundiinnarnik siulliulluni ajugaangami, aamma ingerlaanermini taktikkimut tunngatillugu pitsaalluinnartumik iliornera takusinnaallugu assut nuannerpoq. Qanormi inerneqarumaarnera siumut oqaatigissallugu nalunarpoq, unammisavummi kikkuusut nalugatsigit. Unamminerminili taktikkikkut pitsaalluinnartumik toqqaavoq, tamannalu assut nuannerpoq, nunanut allanut unammisartut sungiusaasuat Øystein Slettemark taama oqarpoq.

Taassuma oqaatigaa Fortimi Smithimi unammiffigisaminni pissutsit allaanerulaartut. Løjpe atikinnerulaarpoq taamaammat aamma inissilluarnissaq ilungersuutigisariaqarpoq.

- Unamminerni ingerlaarfiit arlallit qummukajaaqanngillat. Ippassarli 10 kilometerinut sukkaniunnermi pitsaasunik qummukajaaqalaarpoq, taamaammat løjpe aamma pitsaavoq nunatsinni løjperisatsinnut eqqaanarami. Aamma aput allaanerulaarpoq, Nunatsinnut naleqqiullugu pujannarnerulluni, taamaammat ingerlaalerangamik sukkasuupilussuusarput, Øystein Slettemark taama oqarpoq.

LÆS OGSÅ Se medaljefordelingen på AWG's 3. dag

Unammisassat pikkorissut kuultimillu ujaminnattamik illersuinissaq

- Nalunalaarpoq qanoq oqaatigissanerlugu. Nivissat stafetternissaat naatsorsuuteqarfigivallaanngilara, unammisartut pikkorissupilussuit arlaqartut takusinnaagakku. Taamaattorli tallimanngorat sprint ingerlanneqassaaq, tassanilu pitsaasumik angusaqarsinnaanissarput ilimagaara, Øystein Slettemark oqarpoq nangillunilu:

- Bjarne Hansenimi AWG 2016-imi kuultinnappoq, taannalu illersorniartussaassagamiuk sukataarluarsinnaassaaq. Sprinternerli tamatumuuna klassiskimik ingerlanneqassaaq, taannalu sukuutserluni ujakkaarnermut naleqqiullugu sungiusimannginneruaa, taamaattorli ajunngitsumik ingerlarnissaa ilimagaara.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat