Bjarne Riis Tour de France-imut peqataanavianngilaq
Danskit sikkilertartuisa Team CSC-kkut piginnittuat Bjarne Riis, sikkilerluni sukkaniuttarnerni nunarsuarmi sakkortunersaanni Tour de France-imi peqataanavianngilaq. Sikkilertartui peqataassapput, piginnittuatali sukkaniunnernut malinnaassanani.
Bjarne Riis ingerlalluarallarami nukkassaatitortarsimanini qanittukkut nassuerutigereeraalu Tour de France-imut peqataanissaa inunnit amerlasuunit akerlerineqarsimavoq.
Taarsiullugu Team CSC-mut aningaasaliisussat samminiarlugit Bjarne Riis oqaaseqarpoq:
- Piffissami kingullermi pisut sakkortuumik misigisaqarfigisimavakka, sapaatillu akunnerini pingasuni Tour de France-imik malinnaanissara nukissaqartinnagu misigisimavunga, Bjarne Riis oqarpoq, nangillunilu:
- Holditsinnik aningaasaliisut sammisassatuaraakka, Tour de France-rtoqarneratalu nalaani sikkilertartukka qanimut malinnaavigissanagit, Riis oqarpoq.