Tapersersortit suliaannik misissuinermut 450.000-it atorneqassasut
Danmarkimi kalaallit parnaarussivinniittut tapersersortaasa suleriaasaat misissorneqarnialerpoq.
Kalaallit Illuutaat Københavnimiittoq taama nalunaaruteqarpoq.
Allattoq Inge S. Rasmussen
septembarip 29-at 2017 10:37
Inatsisinik atuutsitsinermut ministereqarfiup ilisimatusarnermut aningaasaateqarfianit tapersersortit suleriaasaannik misissuinissamut 450.000 koruuninik aingaasaliiffigineqarsimavoq.
Danmarkimi kalaallinut soorlu Herstedvesterimi parnaarussivinniittunut tapersersortit pineqaatissinneqarsimasunut attaveqaataasarput.
Ilisimatusarfimmi lektorip Annemette Nyborg Lauritsenip misissuineq ingerlatissavaa.
Nuummi isertitsivissaq matoqqasortalik 2019-imi atuutilerpat pineqaatissinneqarsimasunut attaveqaatit suleriaasissaannik misissuinermik ingerlatsisoq aamma assigiinngitsunik innersuussuteqassasoq nalunaarutigineqarpoq.
