Biskoppi kunngikkormiunit toqqarneqartarunnaassaaq
Biskoppi Danmarkimi kunngikkormiunit toqqarneqartarunnaarluni Kalaallit Nunaanniit aalajangerneqartalissaaq.´Siunnersuut taanna Atassummi Siumumilu ilaasortanit saqqummiunneqarpoq, amerlanerussuteqartunillu tapersersorneqartoq qulakkeerneqareerunarluni.
Allattoq Louise M. Kleemann
Inatsisartullu upernaaru ataatsimiilerpata oqaluuserineqartussaasoq, Kristeligt Dagbladimi allaaserisami allassimavoq.
Kalaallit Nunaanni ilagiit Danmarkimilu kungikkormiut ataqatigeeqimmata apeqqut imaannaanngilaq, biskop Sofie Petersen oqarpoq.
- Maannamut ileqqup atuutiinnarnissaa kissaatiginarsinnaagaluarpoq, namminersornerulertussaagattali Kalaallit Nunaanni biskoppissap Namminersornerullutik Oqartussanit toqqarneqartalernissaa pissusissamisuuginnassaaq, Sofie Petersen oqarpoq.