Biskoppet nunatsinni siullermeerlutik ataatsimiipput

Nunatsinni oqaluffeqarnermut inatsisip ukiunik 100-nngortorsiorneranut atatillugu naalagaaffeqatigiinnerup iluani biskoppet nunatsinni siullermeerlutik ataatsimeeqatigiipput.

Biskoppit arfinillit Danmarkimiit, ataaseq Savalimmiunit Nunattalu biskorpia Sofie Petersen ullumikkut Hans Egedep illuani Nuummiittumi ataatsimiipput.

Oqaluffeqarnerup oqaluttuarisaanerani siullermeerluni biskorpit Nunatsinni ataatsimiipput.

Biskorpit nalinginnaasumik Danmarkimi ukiumut pingasoriarlutik naapittarput, oqaluffiulli nunatsinni inatsisitaarnerata ukiunik 100-inngorsiorneranut atatillugu biskorpit nunatsinnut tikeraarput immikkullu ittumik ataatsimiillutik.

Københavnip Biskorpia, Erik Normann Svendsen ataatsimiinermi aqutsisuuvoq. Nunatta kalaallimik biskorpitaarnissaata tungaanut 1992-imi 93-imilu Nunatsinni biskorpitut sulivoq.

-Kalaallit Nunaanni ataatsimiinnitsinni pingaarnersaavoq kalaallit nunaanni oqaluffeqarnerup ingerlanneqarneranik paasisaqarnissarput Erik Normann Svendsen oqarpoq.

Nunatsinni Biskorpip Sofie Petersen-ip nalunaarutigaa Namminersornerullutik Oqartussat maanna Nunatsinni oqaluffeqarnerup aaqqissugaaneranik suleqatigiissitaq misissuisussaq pilersissimagaat.

Palasinngortitsisarneq aamma eqqartorneqartut ilagaat.

-Ukiut qulit matuma siorna palasinik naammattunik ilinniartitsisoqarneq ajormat ajornartorsiuleraluarpugut. Tamannali qujanartumik aaqqikkiartulerpoq. Taamaakkaluartorli Kalaallit Nunaanni palasit amigaataapput Erik Normann Svendsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat