Birthe Rønn Hornbechip tunuarnissaa oqallisaavoq
Palæstinamiut naalagaaffimmik innuttaaffeqanngitsut pillugit naalagaaffimmi atorfillit Birthe Rønn Hornbech iliuuseqaqqusaraluarpaat, tamannali Birthe Rønn Hornbechip ukiup aappaa avillugu isiginngitsuusaarsimagaa aviisimi ullormut saqqummersartumi, Informationimi, allaaserineqarmat, politikkikkut oqaaseqartartoq, Rasmus Jønsson, taama naliliivoq.
- Løkke iliuuseqartariaqalerpoq. Qinersinissaq taama qanillitigisoq, Lars Løkke Rasmussen tusagassiuutini taama oqallisaatigisumik, sunullu tamanut taama nikassaatigisumik, Lars Løkke ministereqarsinnaanngilaq, politikkikkut oqaaseqartartoq oqarpoq.
Naalagaaffimmi atorfillit, aterminnik taaserusunngitsut, Informationimut oqarput, Birthe Rønn Hornbech 2008-mi aggustimili oqarfigisimallugu, naalagaaffimmik innuttaaffeqanngitsut Danmarkimi innuttaanissaannik itigartitsineq isumaqatigiissutinut naapertuutinngitsoq.
Rønnili siorna 2010-mi januaarimi aatsaat allanngortitsivoq.
Rasmus Jønsson isumaqarpoq paasissutissat nutaat atuassallugit Birthe Rønn Hornbechimut nuannerpallaarnavianngitsut.
Birthe Rønn Hornbech pisumi nammineq kukkussuteqarsimannginnerarpoq.
