Assi: Google Maps

Birnamut tunngatillugu pasisaq pingitsuutinneqartoq

Birna Brjánsdóttirip tammarneranut toquneranullu attuumassuteqarsimasutut pasineqartoq angut inuusuttoq sapaatit akunnerini qulini pasineqareerluni maanna pasilliutaasunut sutigut tamatigut pinngitsuutinneqarpoq.

Angutip illersuisua Unnstein Örn Elvarsson Sermitsiaq.AG-mut oqarpoq tallimanngormat nalunaarfigineqarsimalluni pasilliut kingulleq suliariniarunnaaraat.

Islandimi politiit qaammat ataaseq qaangiuttoq aalajangerput angut iperarniarlugu, sulili pasilliuteqarlutik.

Nassuiaatigineqarpoq passilliuteqarnikkut angut illersugaasinnaasoq, politiimmi arlaatigut peqquteqarlutik suliaq pillugu ilannguteqqikkaluarpanni illersuisoqarnissaminut taamaalilluni periarfissaqalermat.

Maannali tassa inatsiseqarnikkut pasilliinermut tunngasoq kingulleq angummit inuusuttumit peerneqarpoq.

Angulli kalaaleq inuusuttoq alla kisinngoruppoq. Sapaatip akunnerata siuliani toqutsisimanermut pasilliut allanngorlugu toqutsisimasutut hashimillu 20 kilomik anngiortumik eqqussisimasutut nutaamik unnerluutigineqarpoq.

Taassuma parnaarussaanera sapaatit akunnerinik marlunnik sivitsorneqarpoq. Islandimi qaqugu eqqartuunneqassanersoq suli aalajangerneqanngitsoq Sermitsiaq.AG allappoq.
 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat