Birna pillugu suliaq Eqqartuussut aalajangersarneqartoq

Islandimi eqqartuussisuuneqarfiup Birnamut tunngasumik eqqartuussut atuuttussanngortippaa.
Reykjavikkimi eqqartuussisuuneqarfiup Thomas Møller Olsenimut eqqartuussut ullumi aalajangersarpaa
Allattoq Mette Wallach
novembarip 23-at 2018 11:54

Thomas Møller Olsenip Birna Brjánsdóttirimik toqutsisimasutut ikiaroornartumillu eqqussuisimasutut ukiuni 19-ini parnaarussaasussanngorlugu eqqartuunneqarnera aalajangersarneqarpoq.

Thomas Møller Olsen ukiuni 19-ini parnaarussaasussatut januaarimi 2017-imi eqqartuussaavoq, eqqartuussulli Islandimi eqqartuussisuuneqarfimmut suliassanngorteqqillugu. Islandimiut nittartakkatigut nutaarsiassiisarfia Morgunbladid taama allaaserisaqarpoq.

AAMMA ATUARUK Eqqartuussut aalajanngiiffigineqalersoq

Thomas Møller Olsen toqutsinermut pisuunngitsuunerarluni illersuisuni aqqutigalugu nalunaarnikuuvoq novembarimilu eqqartuussivimmiinnermi taama oqarnini uteqqippaa suleqatigisimasanilu pisuutillugu.

Thomas Møller Olsenip parnaarussaaqqanissami saniatigut  aamma islandimiut koruuniinik 29 millioninik, tassa danskit koruuninngorlugu 1,5 milliuunit koruuninik taarsiissuteqassaaq.

AAMMA ATUARUK Birna-sagen har været usædvanlig på flere måder

Thomas Møller Olsen ukioq manna januaarimili parnaarussaaqqavoq, eqqartuussivimmilu ullumi najuunnani.

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq