Biologit piniartullu torersumik oqaloqatigiissinnaasariaqarput

Rasmus Ole Rasmussen Roskilde-p universitetiani piniartutut inuussutissarsiuteqarneq pillugu allaaserisaqartartuuvoq. Taassuma siunnersuutigaa, nunatsinni piniartut biologillu ataatsimoorlutik siunnersuisoqatigiiffissaannik Namminersornerullutik Oqartussat pilersitsisariaqartut.

Rasmus Ole Rasmussen aperaarput, piniagassanik pisassiissuteqartoqartillugu pitsaanerusumik agguaasseriaaseq qanoq ittoq nunatsinni pisariaqartinneqarnersoq.

Rasmus Ole Rasmussenilu nassuiaavoq, ajornartorsiut uaniinnerusoq, illuatungeriit sakkortuallaamik illuatungeriittarnerat.

- Nunani allani misilittagaqarput, aalajangersimasumik illuatungeriit oqaloqatigeeriaaseqartarlutik, taanna taaneqartarpoq co-management.

Tassalu imaappoq, Kalaallit Nunaanni massakkut pisunut tunngatillugu piniartut biologillu peqataaffigisaannik siunnersuisoqatigiiffiliortoqartariaqaraluarnera.

Taanna ima paasisassaavoq assersuutigalugu, aalajangersaasartut piniartullu imaluunniit aalisartullu ingillutik oqaloqatigiissapput, ataatsimoortumillu naalakkersuisunut siunnersuuteqarlutik.

- Isumaqatigiinneq ajunngitsumik kinguneqarpat, taava tamarmik ajunngitsumik aaqqiineq taanna pilersitarisimassavaat, isumaqatigiittoqarsimanngippalli taava aamma isumaqatigiinnginneq taanna aamma tamarmik pilersitarisimassallugu, taama Rasmus Ole Rasmussen nassuiaavoq.

Rasmus Ole Rasmussenip nunatsinni maanna periusaasoq sanilliuppaa.

- Massakkut ima periuseqartoqartarpoq, aaqqiissut ajorpat, taava biologinukua sakkortuallaamik aaqqiisimammata ajortoqartoq, ajunngitsortaalu piniartunuinnaq tutsittarlugu. Taamaalilluni biologit kisimik kukkusutut inissinneqartarlutik, Rasmus Ole Rasmussen oqarpoq.

Taanna aperaarput, tamatumunnga tunngatillugu naalakkersuisut suna isummerfigisariaqarneraat.

- Naalakkersuisut ullumikkut ima inissisimapput ullumikkorpiaq qilalugaqassutsimut paasissutissanik, biologinit erseqqissumik pigisaqartaratik. Taamaattumik naalakkersuisut mianersortumik tunngaveqassagunik manngertitaaginnarsimassagaluarput oqarlutillu pisassiissuteqartoqaqqissanngikkallartoq, pisasseeqqinnermi kingunissai ilisimaneqanngitsillugit.

Rasmus Ole Rasmussen erseqqissaavoq, illuatungeriit tamarmiullutik isumaqatigiissutigisaannik inerniliineq pisariaqarluinnartoq. Oqarluni aappaanut tikkuarutta aappaanullu aamma tikkuarutta suna akisussaaqatigiilluta isumaqatigiissutigisinnaavarput? Aaqqiagiinngittoqartillugulu taama periuseqarnerup tamatuma pitsaasuunera erseqqissaassutigaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat