bin-Laden sioorasaarivoq

Abu Musab al-Zargawi toqoreeraluartoq, sorsunneq illernartoq Irakimi ingerlaannassasoq, Osama bin Ladenip immiussami nutaami sioorasaarutigaa.

Zargawip timaa toqungasoq ilaqutaanut uterteqqullugu bin Laden USA-mut ilutigalugu kaammattuivoq.

Peqqarniisaartartut pisortaata, Osama bin Ladenip, immiussarisimagunagaani kingullermi tamakku tassa oqariartuutaapput.

Immiussaq taanna Muuamaakkut upperisaannik upperinnittut, islammit, nittartagaanni tamanut ullumi saqqummiunneqarpoq.

- Præsident Bush oqarfigilara: Sapiitsuliortup timaa ilaqutaanut utertittariaqarpat. Qilanaalereertariaqanngilatit. Sorsunnerup Illernartup erfalasua suli piinngilaq. Islammit sapiitsuliortuisa arlaannit taanna tiguneqassaqqaarpoq. Tungissinnut akiuunnerput sumiluunniit ingerlanniarparput, Irakimi, Afhanistanimi, Somaliami, Sudanimi, immiussami nipi, bin Ladeniunerarneqartoq, tassa taama oqaluppoq.

Immiussami tassani Zargawi aamma nersorniarneqarpoq.

Abu Musab al-Zargawi amerikamiut timmisartuanniit saassunneqarluni qaammatip uuma aallartilaarnerani toqutaavoq.