Bill Clinton Korea Avannarlermukarpoq
Amerikami præsidentiusimasoq Bill Clinton tupaallannaqisumik Korea Avannarlermukarpoq.
Siunertaavoq amerikamiut aviisiliortut marluk nunamit matoqqasumit kommunistiskiusumillu iperagaatinniassagai.
Danmarkip Radioata nittartagaani tamanna atuarneqarsinnaavoq.
Aviisiliortut Kinap killeqarfiani juunimi tigusarineqarput, pillagaallutillu ukiuni aqqaneq-marlunni sulisussanngortitaallutik.
Korea Avannarlermiut atomip nukinga atorlugu sakkuliorniarnerat raketsinillu misileraanerat pissutigalugu USA-p Korea Avannarliullu aaqqiagiinngippallaannginnerat nalaarlugu Bill Clinton aallarpoq.