Bilitsit akikitsut
Air Greenland-ip timmisartuussisarnissaa akikitsut majip arfineq aappaanni aallartissasut nalunaarutigineqarpoq.
Timmisartukkut aqqutit akikitsut atuutissapput Nuummi, Maniitsumi, Sisimiuni, Aasianni Ilulissanilu.
Angalanerit akikitsut avannamut kujammullu aqqutit taamaallaat arfininngornikkut ingerlanneqartassapput.
Ataasinngornikkut avannaaniit nuup tungaanut timmisartukkut ingerlassisoqartarluni, marlunngornikkut avannamut ingerlasoqarsinnaasassaaq.
Air Greenland-mi allaffissornikkut pisortaq, Flemming Knudsen oqarpoq, taamatut aaqqissuussiniarsimaneq ajornakusoorsimasoq iluatsissimasorli.
- illoqarfiit aalajangersimasut kisiisa taamatut aaqqissuussiffiginissaat iluatsissinnaasimavoq, illoqarfiimmi allat taamatut aaqqissuussiviginiarutsigit amerlanerusunik sulisoqartariaqalissagatta, sullissinerlu akisunerulissalluni, Flemming Knudsen oqarpoq.
Bilitsit akikitsut “Takuss” bilitsinut assingusuupput.
