Pan Am-ertoqarnerani isiginnaariartorpassuaqarnera iluatsilluartoqAssi: Anders Berthelsen/GHF

Pan Am: Bilitsisisorpassuit sinneqartooruteqarnissamik qulakkeerigunartut

Pan Amertoqarnerani isiginnaariartartorpassuit aaqqissuussap aningaasaqarnera annaateratarsinnaavaat.

Bilitsit ullormut 450-it tunineqartarnissaat aaqqissuussisunit naatsorsuutigineqarsimagaluartoq marloriaataat akiliillutik isertarsimassasut ilimagineqarpoq.

- Neriuuteqarluarpugut, Poul Petersen oqarpoq.

Bilitsimmi naatsorsuutigisamit amerlanerungaatsiartut tunineqarput.

- Neriuutitsinninngaanniit isiginnaariat marloriaammik immaqa amerlanerupput.

Aaqqissuussisut billetsit taama amerlatigisut tunineqarnerat nuannaarutigaat.

- Misigisaq annertoorujussuuvoq. Tamatsinnut, ikiuuttut, isiginnaartut, arsaattut. Assut nuannarisimavaat, pikkunarlunilu.  

AAMMA ATUARUK  Piareersaanerit naammassisaqarfiulluarnerat neriulluartitsisoq

Inussivik ulikkaarluinnarlugu isiginnaariat 1.500-it missaaniittut ullormut isiginnaariartarsimapput. Taakkunannga aningaasaliisimasut, unammisartut allallu 500-t akiliinatik isertarsimanissaat naatsorsuutigineqarpoq.

Akilillutik isiginnaariartut ullormut 450-t isertarnissaat naatsorsuutigineqarsimagaluartoq, marloriaataat isertarsimassasut naatsorsuutit naammassivinngikkaluartut ilimagineqarpoq.

- Neriuutit annertoorujuusimanngillat, misilinnikuunngisaannaratsigu, Poul Petersen oqarpoq.

AAMMA ATUARUK PAN AM kalaallit assammik arsaattarnerannut akisusinnaasoq

Pan Am amigartooruteqarfiussanngippat billettit tunineqartussat apeqqutaaginnalersussaasut aaqqissuisut siusinnerusukkut oqaatigisareernikuuaat.

Akiligassalli tamarmik akilerneqareerpata isiginnaariat Pan Am-ip aningaasaqarneranik annaasseqataasimassanersut paasinarsissaaq. Poul Poulsenilli naatsorsuinerit sinneqartoornermik takutitsinissaat neriuutigaa.

- Neriuutigaara. Kisianni naatsorsuutit qaammat missaa qaangiuppat naatsorsuutit tamarmik naammassippata takussuarput.

Isiginnaariartarsimasorpassuillu nuannisarsimaqisut aaqqissuisut qujassuteqarfigaat.

Pan Am-imi sinneqartooruteqassappat sinneqartoorutit taakku nunatsinni assammik arsartartut kattuffianut tunniunneqassapput.

AAMMA ATUARUK Nunatsinni Pan Am-ertoqarnissaa nalorninarsisoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat