Bilitserpassuarnik pisiortorneq kinguneqartinneqassanngilaq

Cimber Sterlingimi qullersat bilitsinik taakkuninnga pisisunut akuusimanngitsut soraarsitsinissarlu pisariaqanngitsoq, nalunaarusiami erserpoq.

Cimber Sterlingimi sulisut ikinnerpaamik sisamat aterminnik allanngortitsillutik, soorlu Anders Andimik imaluunniit Dronning Margrethemik atserlutik, Norwegianimi bilitsinik hornorujulippassuarnik pisisarsimapput. Taakku bilitsisarsimasut Cimber Sterlingimi e-mailadresseqarsimapput, tassaallutillu timmisartortartut, sulisut siulersortaat aamma sulisut sinniisaattut sulisunit qinikkat. Facebook aqqutigalugu ussassaarutinik bilitsisinissaminnut imminnut pilerisaaruttarsimasut, misissuinermi paasineqarpoq.

Siulersuisut qullersaat pisiortornermut akuusimasuuppata tuniniaanissamik suliniummut inatsimmik tamanna unioqqutitsinerusimassagaluartoq inatsisilerituut naliliipput.